رفيق احمد مهيسر
رفيق احمد مهيسر
رفيق احمد مهيسر: سنڌ جي ناليواري سياستدان، اڳوڻي ايم. اين. اي ۽ ايم. پي. اي رفيق احمد ولد عبدالله مهيسر جو جنم 5 نومبر 1949ع تي ڳوٺ گاهي مهيسر، تعلقي ميهڙ، ضلعي دادوءَ ۾ ٿيو. ابتدائي تعليم ڳوٺ جي اسڪول مان، مئٽرڪ 1965ع ۾ ميهڙ هاءِ اسڪول مان، ايل. ايل. بي 1974ع ۾ سنڌ لا ڪاليج حيدرآباد مان ڪيائين. رفيق احمد مهيسر سياست جي شروعات مڪاني چونڊن سان ڪئي. 1979ع ۾ ڪولاچي يو. سيءَ جو چيئرمئن ٿيو. 1983ع ۾ ايم. آر. ڊي تحريڪ ۾ سرگرم رهيو ۽ متحرڪ ڪردار ادا ڪيائين، جنهن سبب جيل به ويو. ڪجهه عرصي بعد آزاد ٿيو ته 1986ع ۾ کيس ٻيهر جيل موڪليو ويو. 1987ع ۾ ضلعي ڪائونسل جو ميمبر چونڊيو. 1988ع وارين چونڊن ۾ ميهڙ تعلقي جي تڪ تان چونڊجي ايم. پي. اي ٿيو.
رفيق احمد مهيسر 1990ع جي چونڊن ۾ ميهڙ ۽ خيرپور ناٿن شاهه تعلقي مان چونڊجي ايم. پي. اي ٿيو. 1993ع جي چونڊن ۾ ٻيهر ميهڙ ۽ خيرپور ناٿن شاهه مان چونڊجي ايم. اين. اي ٿيو. 2002ع جي چونڊن ۾ مشهور سياستدان لياقت جتوئيءَ جي مقابلي ۾ چونڊ وڙهيو، پر ڪامياب نه ٿي سگهيو. هن پنهنجي حڪومتي دورن ۾ دادو ضلعي جي ڪيترن ئي ڳوٺن ۾ بنيادي سهولتون جهڙوڪ: بجلي، روڊ، اسڪول وغيره منظور ڪرايا. هن ڪيترن غريب ماڻهن کي روزگار سان پڻ لڳرايو.
رفيق احمد مهيسر 15 آڪٽوبر 2002ع تي وفات ڪئي.
لفظ رفيق احمد مهيسرھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1949.11.05 عيسوي
سنڌ جي ناليواري سياستدان، اڳوڻي ايم. اين. اي ۽ ايم. پي. اي رفيق احمد ولد عبدالله مهيسر جو جنم 5 نومبر 1949ع تي ڳوٺ گاهي مهيسر، تعلقي ميهڙ، ضلعي دادوءَ ۾ ٿيو.
2002.10.15 عيسوي
رفيق احمد مهيسر 15 آڪٽوبر 2002ع تي وفات ڪئي.
شخصيتون - ڀاڱي جون ٻِيون داخلائون
بروهيٽپٽائي مولوي عبدالله
راڄپر عبدالحڪيم سرائي
پاڪ سنگهار
پرمانند ڀنڊار
جتوئي عبدالغفار ڊاڪٽر
حاجي امام الدين راشدي
عبدالله ٺٽوي مخدوم
چنا شبيران
خير محمد خان استاد